မြန်မာဆန္ဒပြသူတွေကို အကြမ်းဖက်မှု ထိုင်းနဲ့ ဖိလစ်ပိုင်ဝေဖန်တုံ့ပြန်
[Zawgyi/Unicode]
မြန်မာနိုင်ငံမှာ ဆန္ဒပြသူတွေကို ပစ်ခတ်ဖြိုခွဲနေတာရပ်ဖို့ ဖိလစ်ပိုင်နိုင်ငံက ဒီကနေ့ တောင်းဆိုလိုက်သလို ထိုင်းနိုင်ငံကလည်း အကြမ်းဖက်မှုလေ ျှာ့ချဖို့ တောင်းဆိုထားကြောင်း ရိုက်တာသတင်းဌာနရဲ့ သတင်းတွေမှာ ဖော်ပြထားပါတယ်။
အရပ်သားတွေကို မြန်မာစစ်တပ်က မလိုအပ်ဘဲ မမ ျှတစွာ အပြင်းအထန် အင်အားသုံး နှိမ်နင်းနေတဲ့အပေါ် "အထူးပဲ ထိတ်လန့်တုန်လှုပ်" ရတဲ့အကြောင်း ဖိလစ်ပိုင်နိုင်ငံခြားရေးဝန်ကြီးက ဒီကနေ့ပြောပါတယ်။
ဒေါ်အောင်ဆန်းစုကြည်နဲ့ ရွေးကောက်ခံ တခြား အရပ်ဘက်ခေါင်းဆောင်တွေကို ပြန်လွှတ်ပေးပြီး ဒီမိုကရေစီ အပြည့်အဝပြန်တည်ဆောက်ရေး လမ်းကြောင်းကို ဖိလစ်ပိုင်နိုင်ငံအနေနဲ့ ထောက်ခံတယ်လို့လည်း နိုင်ငံခြားရေးဝန်ကြီးကပြောပါတယ်။
အကြမ်းဖက်မှုလေ ျှာ့ချဖို့ ထိုင်းနိုင်ငံခြားရေးဝန်ကြီး Don Pramudwinai က ဒီကနေ့ ပြောတယ်ဆိုတာကိုတော့ ထိုင်းပြည်တွင်းသတင်းတွေမှာ ဖော်ပြထားတဲ့အကြောင်း ရိုက်တာသတင်းမှာ ရေးထားပါတယ်။
ထိုင်းနိုင်ငံရဲ့ပြောဆိုချက်ကို ရတဲ့အကြောင်း မြန်မာနိုင်ငံဘက်က အသိအမှတ်ပြုထားပေမယ့် ဒါက အခြေအနေပေါ် မူတည်တယ်လို့ပြောတဲ့အကြောင်း ထိုင်းနိုင်ငံခြားရေးဝန်ကြီးက ပြောပါတယ်။
မြန်မာ့အရေးနဲ့ ပတ်သက်ပြီး အရှေ့တောင်အာရှနိုင်ငံများအဖွဲ့ (ASEAN) ထိပ်သီးအစည်းအဝေးတစ်ခု ကျင်းပဖို့ရှိနေချိန်မှာပဲ အခုလို အာဆီယံနိုင်ငံတွေဘက်က အတော်လေးပြင်းပြင်းထန်ထန် ပြောဆိုတာတွေ ထွက်လာနေတာပါ။
မြန်မာ့ငြိမ်းချမ်းရေးကိစ္စဟာ ကျင်းပမယ့် အာဆီယံထိပ်သီးအစည်းအဝေးရဲ့ အဓိကရည်ရွယ်ချက်ဖြစ်တယ်လို့လည်း ထိုင်းနိုင်ငံခြားရေးဝန်ကြီး Don Pramudwinai က ပြောပါတယ်။
မြန်မာနိုင်ငံ၏ အခြေနေကို ဗုဒ္ဓဟူးနေ့တွင် UNSC မှာ ဆွေးနွေးမည်
------------------------------------------------
(၂၉-၃-၂၀၂၁)
မြန်မာနိုင်ငံမှာ အရပ်သားတွေ အစုအပြုံလိုက် အသတ်ခံနေရတဲ့ အခြေအနေကို ဆွေးနွေးဖို့ ကုလသမဂ္ဂ လုံခြုံရေးကောင်စီ (UNSC)အရေးပေါ် အစည်းအဝေးကို ဗုဒ္ဓဟူးနေ့မှာကျင်းပရန် ဗြိတိန်က ဦးဆောင်ခေါ်ယူထားတယ်လို့ သံတမန်သတင်းရပ်ကွက်က ပြောပါတယ်။
အဖွဲ့ဝင် ၁၅ နိုင်ငံက တခါးပိတ်ဆွေးနွေးမှာဖြစ်ပြီး မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် Christine Schraner Burgener က မြန်မာနိုင်ငံက အစုအပြုံလိုက် သတ်ဖြတ်ခံရမှုနဲ့ နောက်ဆုံးအခြေအနေတွေကို တင်ပြမှာဖြစ်တယ်လို့ သိရပါတယ်။
ဒီတကြိမ်ဆွေးနွေးပွဲကနေ အရေးကြီးတဲ့ဆုံးဖြတ်ချက် ချနိုင် မနိုင်ဆိုတာကတော့ အမြဲတန်းအဖွဲ့ဝင် တရုတ်နဲ့ ရုရှားပေါ်မှာ မူတည်နေတယ်လို့ အကဲခတ်တွေက ဆိုပါတယ်။
မြန်မာ့အရေးကို လုံခြုံရေးကောင်စီမှာ တလအတွင်း နှစ်ကြိမ် ဆွေးနွေးတာဟာ ထူးခြားပါတယ်။ ပြီးခဲတဲ့ ၁၀ ရက်နေ့က ဆွေးနွေးပွဲကိုလည်း ဗြိတိန်ကပဲ ဦးဆောင်ခေါ်ယူတဲ့ အပြင်ဆုံးဖြတ်ချက်မူကြမ်းကိုလည်း ဗြိတိန်ကပဲ ရေးသွင်းတင်ပြခဲ့တာပါ။
ဒါပေမယ့် တရုတ်၊ ရုရှား၊ အိန္ဒိယနဲ့ ဗီယက်နမ်တို့က ကန့်ကွက်တဲ့အတွက် ကြေညာချက်ပါ ပြင်းထန်တဲ့စကားလုံးတွေကို နည်းနည်းလျော့ပေးခဲ့ရတယ်လို့ဆိုပါတယ်။
အမျိုးသမီးနဲ့ ကလေးငယ်တွေအပါဝင် ငြိမ်းချမ်းစွာဆန္ဒပြသူတွေအပေါ် လုံခြုံရေးတပ်ဖွဲ့က အင်အားသုံး အကြမ်းဖက် နှိမ်နင်းမှုကို ဆန့်ကျင်ကြောင်း ၁၀ ရက်နေ့က ထုတ်ပြန်တဲ့ ကြေညာချက်မှာ ဖေါ်ပြထားပါတယ်။
ဒါပေမယ့် အာဏာသိမ်း တယ်ဆိုတဲ့စကားလုံးနဲ့ နိုင်ငံတကာက စီးပွားရေးဒဏ်ခတ်မယ်ဆိုတဲ့ စကားလုံးတွေကိုတော့ ကန့်ကွက်မှုကြောင့် ချန်ထားပေးခဲ့ရတယ်လို့ ဆိုပါတယ်။
ဒါပေမယ့် မတ်လ ၁၀ ရက်နေ့ ကြေညာချက်ဟာ အာဏာသိမ်းပြီးနောက် ချက်ခြင်းဆိုသလိုဆွေးနွေးတဲ့ ဖေဖေါ်ဝါရီ ၄ ရက်နေ့ လုံခြုံရေးကောင်စီ ကြေညာချက်နဲ့စာရင်တော့ အများကြီး ပိုအားကောင်းလာတယ်လို့ သိရပါတယ်။
ဒီနေ့ ထပ်ရတဲ့သတင်းတွေအရ အာဏာသိမ်း အကြမ်းဖက်တပ်က ဆန္ဒပြသူတွေကို ဆက်လက်ပစ်ခတ်နေဆဲဖြစ်ပြီး သေဆုံးမှုတွေရှိနေပါတယ်။
နိုင်ငံရေးအကျဉ်းသားများ ကူညီရေးအသင်း AAPP ရဲ့ ဒီနေ့ထုတ်ပြန်ချက်အရ ဖေဖေါ်ဝါရီ ၁ ရက်နေ့ နောက်ပိုင်း စစ်တပ်လက်ချက်နဲ့သတ်ဖြတ်ခံရသူ ၅၁၀ ရှိသွားပြီဖြစ်ပါတယ်။ အဖမ်းခံထားရသူဦးရေကတော့ ၂,၅၀၀ ကျော်နေပြီဖြစ်ပါတယ်။
Source: AFP/BNN
အောင်မြေသာစံမှာ ရဲတစ်ဦး မီးရှို့သတ်ခံရတယ်ဆိုပြီး ရပ်ကွက်ကို ပစ်ခတ်နေ
~~~~~~
■ မတ်လ ၂၉ ရက်နေ့ မနေ့က မန္တလေးမြို့ အောင်မြေသာစံမြို့နယ် မင်းတဲအီကင်းရပ်ကွက်ထဲ ရဲအရာရှိတစ်ယောက်ဟာ အရပ်ဝတ်နဲ့ သွားလာနေစဉ် အဲဒီရပ်ကွက်မှာပဲ ပျောက်ဆုံးသွားပြီး မီးရှို့သတ်ခံလိုက်ရတယ်ဆိုတဲ့ သတင်းတွေ ထွက်ပေါ်လာတဲ့နောက် စစ်တပ်နဲ့ ရဲတပ်ဖွဲ့ဝင်တွေဟာ ရပ်ကွက်အတွင်း ဝင်ရောက်၊ ပစ်ခတ် ဖမ်းဆီးတာတွေ ပြုလုပ်နေပါတယ်။
ရဲအရာရှိက အမှန်တကယ် သတ်ခံရသလားဆိုတာတော့ အခုအချိန်ထိ အတည်ပြုလို့ မရသေးပါဘူး။
အီးကင်းရပ်ကွက် ဒေသခံတစ်ယောက်ကတော့ ရပ်ကွက်ထဲ နေ့ရော၊ ညရော ပစ်နေပြီး ဖမ်းဆီးနေလို့ အမျိုးသားတွေ ရှောင်နေကြရတယ်လို့ ပြောပါတယ်။
၂၇ ရက်နေ့ညက အဆိုပါရပ်ကွက်မှာ အသက် ၄၂ နှစ်အရွယ် အမျိုးသား ကိုအေးကိုဟာ ညကင်းစောင့် နေစဉ် စစ်တပ်နဲ့ ရဲတပ်ဖွဲ့က ရောက်လာပြီး ပစ်သတ်မီးရှို့ခဲ့ကြပါတယ်။
အတည်မပြုနိုင်သေးတဲ့ သတင်းတွေအရတော့ ရဲတပ်ဖွဲ့ဟာ အီကင်းရပ်ကွက်က အမျိုးသားတွေ ရှောင်ပြေးသွားတဲ့ ရွာအထိ လိုက်လံဖမ်းဆီးနေတယ်လို့ ဆိုပါတယ်။
- Unicode
ညသန်းခေါင်ကတည်းကစတဲ့ သင်္ဃန်းကျွန်းအမှိုက်သပိတ်
ရန်ကုန်မြို့၊ သင်္ဃန်းကျွန်းမြို့နယ်ရပ်ကွက်အသီးသီးမှာတော့ စစ်အာဏာရှင်ဆန့်ကျင်ရေးအနေနဲ့ ဒီနေ့ပြုလုပ်နေကြတဲ့ အမှိုက်သပိတ်ကို မနေ့ မတ်လ၂၉ ရက်ညသန်းခေါင်ကတည်းက ပြုလုပ်ခဲ့ကြပါတယ်။
တောင်ဒဂုံမြို့နယ် ရပ်ကွက်တွေမှာ စစ်ကောင်စီတပ်တွေက ဝိုင်းထားတဲ့အခြေအနေကြောင့် တဖက်ကနေ အာရုံလွှဲတဲ့အနေနဲ့ သင်္ဃန်းကျွန်းကလူငယ်တွေ လမ်းပေါ်တက်ပြီး မနေ့ညနက်ပိုင်းကတည်းက အမှိုက်သပိတ်ကို ပြုလုပ်ခဲ့ကြတာပါ။
အဲဒီအတိုင်ခင်တုန်းကတော့ လမ်းပေါ်တက်အမှိုက်မပစ်ဖို့ စစ်ကောင်စီဘက်က အသံချဲ့စက်နဲ့လိုက်အော်တာမျိုးရှိခဲ့ပါတယ်။
ဒီလိုအော်ပြီး နာရီပိုင်းအကြာမှာ အမှိုက်သပိတ်ကို ပြုလုပ်ခဲ့တာလို့ သပိတ်မှာပါတဲ့ လူငယ်တချို့က ပြောပါတယ်။
လှည့်လာတဲ့စစ်ကားတစ်ချို့က သူတို့ ဆက်မောင်းနိုင်အောင် အမှိုက်တချို့ကို ရှင်းသွားသလို လမ်းပေါ်က ကျန်တဲ့အမှိုက်တွေကိုတော့ စည်ပင်က ဒီနေ့မနက်ပိုင်းမှာ လာပြန်ရှင်းသွားတယ်လို့ ဆိုပါတယ်။
စစ်ကောင်စီတပ်တွေက မြို့ရွာလမ်းတွေပေါ်မှာ မြင်သမျှပစ်ခတ်နေလို့ လူတွေအစား အမှိုက်ထုပ်တွေကို လမ်းဆုံလမ်းခွတွေမှာ ချပြီး ဆန္ဒပြရတယ်ဆိုတာပြဖို့ အမှိုက်သပိတ်ကို ဒီနေ့ ပြုလုပ်နေကြတာပါ။
ဗုံးပေါက်ကွဲမှုဖြစ်ပွားပြီးနောက် မြဝတီ အမှတ် ၃ ရပ်ကွက်ရုံးရှေ့ လုံခြုံရေးတင်းကြပ်
မတ်လ၂၈ ရက်၂၀၂၁ ခုနှစ်။ ကေအိုင်စီ
ကရင်ပြည်နယ် မြဝတီမြို့ အမှတ် ၃ ရပ်ကွက်ရုံးရှေ့တွင် ယမန်နေ့ ညပိုင်းက ဗုံးပေါက်ကွဲမှု ဖြစ်ပွားပြီးနောက် ရုံးလမ်းရှေ့ နေရာတွင် အတားအဆီးတစ်ချို့ ပြုလုပ်ကာ လုံခြုံရေး တင်းကြပ်ထားကြောင်း ယနေ့ မတ်လ ၂၉ရက် နေ့လည်ပိုင်းက တွေ့ရသည်။
ယမန်နေ့ မတ်လ ၂၈ ရက် ည ၈း၁၀ အချိန်ခန့်က မြဝတီမြို့ အမှတ် ၃ ရပ်ကွက် ဗိုလ်တေဇလမ်းရှိ ရပ်ကွက်အုပ်ချုပ်ရေးမှုးရုံးရှေ့ ရေမြောင်းဖုံးအနီး လက်ပစ်ဗုံး ပေါက်ကွဲမှုဖြစ်ပွားခဲ့ရာ အနီး မော်တော်ယာဉ်တစ်စီး ဗုံးစထိမှန်မှု ရှိခဲ့သော်လည်းလူတစ်ဦးတစ်ယောက်မျှ ထိခိုက်ဒဏ်ရာရမှုတော့ မရှိခဲ့ပါ။
အဆိုပါ လက်ပစ်ဗုံးမှာ 38 ဗုံးသီးဖြစ်ပြီး ဆိုင်ကယ်ဖြင့် လူတစ်ဦးမှ လာရောက်ပစ်ခတ်သွား သည်ဟု ဗုံးပေါက်ကွဲမှုဖြစ်ပွားစဉ် အခင်းဖြစ်နေရာအနီးရှိ ရပ်ကွက် ရာအိမ်မှုးတစ်ဦးက ပြောသည်။
ယင်းဗုံးပေါက်ကွဲမှုဖြစ်ပွားခဲ့သည့် ည၁၁နာရီအချိန်ခန့်ကလဲ မြဝတီမြို့ အမှတ် ၄ ရပ်ကွက် မြေနီကုန်းရပ်တွင် မပေါက်ကွဲသေးသည့် ဗုံးသီးတစ်လုံး တွေ့ရှိခဲ့သေးသည်ဟု ၎င်းရာအိမ်မှုး၏ ပြောကြားမှုမှ သိရသည်။
#KIC. ကရင်သတင်းစဉ်
တောင်ဒဂုံမှာ လူတစ်ယောက်မီးရှို့ခံခဲ့ရ
~~~~~
■ မတ်၂၉ ရက် ညပိုင်းက ရန်ကုန်တိုင်း၊ တောင်ဒဂုံမြို့နယ်ထဲ စစ်တပ်နဲ့ ရဲတပ်ဖွဲ့ဝင်တွေက သေနတ်တွေနဲ့ ပစ်ခတ်နှိမ်နင်းခဲ့ပါတယ်။ ၅၆ ရပ်ကွက်ရဲ့လမ်းဆုံမှာတော့ လူတစ်ယောက်မီးရှို့ခံထားရတာကို မတ် ၃၀ ရက်၊ ဒီနေ့မနက်ပိုင်းက မြင်တွေ့ရပါတယ်။
မီးရှို့ခံရပြီးသေဆုံးသွားသူဟာ ဘယ်သူဆိုတာကိုတော့ မသိရသေးပါဘူး။
- Unicode
အာဏာသိမ်းစစ်ကောင်စီကို ISIS ထက်ပိုဆိုးသည့် အကြမ်းဖက်အဖွဲ့ဟု ဒေါက်တာဆာဆာပြော
မြန်မာအာဏာသိမ်း စစ်ကောင်စီဟာ အပြစ်မဲ့ကလေးငယ်တွေကိုပါ သတ်ဖြတ်နေတာဖြစ်အတွက် ISIS အဖွဲ့ထက်ပိုဆိုးတဲ့ အကြမ်းဖက်အဖွဲ့အစည်းဖြစ်တဲ့အကြောင်းနဲ့ တပ်မတော်နေ့မှာ လူသတ်ပွဲကြီးကို တစ်ကမ္ဘာလုံးကတွေ့နိုင်အောင် အာဏာသိမ်းစစ်ကောင်စီက ပြုလုပ်သွားတာဖြစ်ပါတယ်လို့ ပြည်ထောင်စုလွှတ်တော် ကိုယ်စားပြုကော်မတီ CRPH ရဲ့ ကုလသမဂ္ဂဆိုင်ရာ အထူးကိုယ်စားလှယ် ဒေါက်တာဆာဆာက ဒီဗွီဘီနဲ့ ဆက်သွယ်မေးမြန်းရာမှာ ပြောကြားလိုက်ပါတယ်။
မေးမြန်းချက် အပြည့်အစုံ
မေး- ပြီးခဲ့တဲ့ မတ်လ ၂၇ ရက်က မြန်မာနိုင်ငံတဝန်းမှာ အာဏာသိမ်းစစ်တပ်ရဲ့ ပစ်ခတ်သတ်ဖြတ်မှုကြောင့် ငြိမ်းချမ်းစွာဆန္ဒပြတဲ့ ပြည်သူလူထု ၁၀၀ ကျော်လောက် သေဆုံးခဲ့ရပါတယ်။ ပြည်သူလူထုတွေ ပြောနေတဲ့ ဖက်ဆစ်တော်လှန်ရေးနေ့ မတ်လ ၂၇ ရက်က ဖြစ်ခဲ့တာတွေကို ပြန်ပြီးသုံးသပ်ပေးပါ။
ဖြေ- “တပ်မတော်နေ့မှာ လူသတ်ပွဲကြီးကို တစ်ကမ္ဘာလုံးကတွေ့နိုင်အောင် ဒီအာဏာသိမ်းစစ်ကောင်စီက ပြုလုပ်သွားတာဖြစ်ပါတယ်။ အဲလိုလုပ်ခြင်းအားဖြင့် သူတို့တွေ တရားဝင် အကြမ်းဖက် အဖွဲ့အစည်းဖြစ်ပြီဆိုတာကို ကမ္ဘာကိုကြေညာလိုက်တာ ဖြစ်ပါတယ်။ ကျနော်တို့ ဒီကုလသမဂ္ဂမှာ တာဝန်ရှိတဲ့ ပုဂ္ဂိုလ်များနဲ့ ချက်ချင်းစကားပြောခဲ့ပါတယ်။ ဒီလာမယ့်နေ့တွေမှာ အမေရိကန်အစိုးရနဲ့ အထူးသဖြင့် အနောက်နိင်ငံ အစိုးရအဖွဲ့တွေနဲ့ ဆက်လက်ပြောပြီးတော့ ဒီအာဏာသိမ်းစစ်ဗိုလ်ချုပ်တွေ အားလုံးနဲ့ အဖွဲ့အစည်းကို သူတို့ကို ကမ္ဘာမှာအကြမ်းဖက်အဖွဲ့တွေလို့ သတ်မှတ်ဖို့ရန် အတွက် မရပ်မနား လုပ်သွားဦးမှာ ဖြစ်ပါတယ်။”
“ဒါကတော့ အင်မတန်မှ အရေးကြီးတဲ့လို့ထင်တယ်။ ကျနော်တို့ကြားခဲ့တာ ISIS တွေပဲ သူတို့နိုင်ငံမှာ လက်နက်တွေကိုင် ပြီးတော့ သူတို့နိုင်ငံသားတွေကို အကြမ်းဖက်တာ သတင်းစာတွေမှာပဲ ဖတ်ဖူးတယ်။ အခုဆိုရင်တော့ ဒီစစ်ဗိုလ်ချုပ်တွေဟာ ISIS တွေနဲ့ ဘာမှ မကွာတော့ပါဘူး။ ကိုယ်နိုင်ငံသားတွေကို အဲလိုလက်နက်သုံးပြီးတော့ တစ်နေ့ထဲမှာ လူတစ်ဆယ် တစ်ရာသတ်တယ်ဆိုတာက ISIS တွေ တောင်မှ လူတစ်ရာ တစ်ဆယ်သတ်တယ်ဆိုတာ မကြားဖူးသေးပါဘူး။ ဆိုတော့ ဒီအာဏာသိမ်းစစ်ကောင်စီသည် ISIS တွေထက်တောင်ပိုဆိုးနေတဲ့ အကြမ်းဖက်အဖွဲ့အစည်းဖြစ်တယ်ဆိုတာကို၊ ဒါကတော့ သူတို့ကြေညာတဲ့အတိုင်း လက်ခံတတ်ဖို့ အရေးကြီးပါတယ်”။
မေး- အမေရိကန်အပါအဝင် ၁၂ နိုင်ငံရဲ့ ကာကွယ်ရေးဦးစီးချုပ်တွေရဲ့ ကြေညာချက်က မြန်မာနိုင်ငံအတွက် ဘယ်လောက်ထိ ထိရောက်နိုင်မလဲ။
ဖြေ- “အခုဆိုရင်တော့ စကားလုံးထက် အလုပ်က ပိုအရေးကြီးလာပြီ။ ကျနော်တို့က ဒီအာဏာသိမ်းစစ်ကောင်စီတွေကို အမြစ်ပြတ်အောင်လုပ်ဖို့က နံပါတ် ၁။ ဒီအာဏာသိမ်းစစ်ကောင်စီစစ်ဗိုလ်ချုပ်တွေ အားလုံးကို နိုင်ငံတကာစံချိန်စံညွန်းနဲ့ အညီ အရေးယူဖို့ အရေးကြီးပါတယ်။ အဲလိုအရေးယူဆောင်ရွက်တဲ့ အခါမှာ ခုလိုနိုင်ငံတကာ ထုတ်ပြန်ကြေညာချက်တွေဟာ ကမ္ဘာသမိုင်းမှာကော မြန်မာ့သမိုင်းမှာကော ကျန်ခဲ့မှာဖြစ်ပါတယ်။ လာမဲ့နှစ်တွေ ကျနော်တို့ခေတ်တွေမှာ ကျနော်တို့ ကလေးတွေ အထိလာမယ်။ ကျနော်တို့ ကလေးတွေ ခေတ်ပြီးရင် ကျနော်တို့ မြေးတွေခေတ်မှာလာမယ်။ အဲလိုခေတ်အဆက်ဆက်ကလည်း ရက်ရက်စက်စက် ဒီလိုဖြစ်ခဲ့တယ်ဆိုတာကို သူတို့တွေသိလာအောင် သမိုင်းတစ်ခုရေးခဲ့တာပဲဖြစ်ပါတယ်။ တစ်ဖက်ကပြောမယ်ဆိုရင် Statement ထက်ပိုပြီးရေးကြီးတာက အလုပ်က ပိုပြီးအရေးကြီးတယ်။ ပြောတာထက် လုပ်တာက ပိုအရေးကြီးတယ်။ ပြောလည်း ပြောရမယ် လုပ်လည်းလုပ်ရမှာဖြစ်တယ်။ ဒါကြောင့်မို့လို့ ပြောတာတော့ နိုင်ငံတကာက ပြောပြီ အခုကတော့ လုပ်ဖို့ကို ကျနော်တို့က မရပ်မနားဘဲနဲ့ နိုင်ငံတာကာ ဆက်လက်ဆွေးနွေးတာဖြစ်ပါတယ်။”
မေး- တိုင်းရင်းသားဒေသတွေမှာ အာဏာသိမ်းစစ်ကောင်စီက လေယာဉ်နဲ့ ပစ်ခတ်မှု အပေါ်ဘာမှတ်ချက်ပေးချင်သလဲ။
ဖြေ- “ဒီတပ်မတော်နေ့မှာ လူသတ်ပွဲကိုပြုလုပ်တာ ဖြစ်တယ်။ လူသတ်ပွဲကြီးကိုလုပ်တဲ့ အခါမှာ နိုင်ငံတချို့ကလည်း အဲဒီလူသတ်ပွဲလုပ်တာကို လာကြည့်တာလည်းရှိတယ်။ အခုနပဲ အိန္ဒိယနိုင်ငံရဲ့ မီဒီယာတစ်ခုနဲ့ အင်တာဗျူးလုပ်တယ်၊ အိန္ဒိယလည်း အဲဒီနိုင်ငံမှာဝင်လာတာကြောင့် အိန္ဒိယရဲ့ မီဒီယာအကြီးဆုံးကို ပြောလိုက်တာကတော့ အိန္ဒိယနိုင်ငံသည် ကမ္ဘာမှာ အကြီးဆုံး ဒီမိုကရေစီနိုင်ငံဖြစ်တာကြောင့် အဲလိုလူသတ်ပွဲတွေကို မသွားဖို့ရန် အတွက် မေတ္တာရပ်ခံထားပါတယ်။ အဲဒီမှာတစ်ခုတွေ့တာကတော့ ရုရှားလည်း ပါတာတွေ့ရတယ်။ ဒုတိယကာကွယ်ရေး ဝန်ကြီးကိုယ်တိုင်တက်ပြီး အဲဒီလူသတ်ပွဲကြီးကို လာကြည့်တာဖြစ်တယ်။ ဒါလုံးဝကိုလည်း နိုင်ငံတကာအတွက် ရှက်စရာကောင်းသလို ၊ သူတို့နိုင်ငံအတွက်ကော သူ့နိုင်ငံသူ နိုင်ငံသားတွေအတွက်လည်း ရှက်စရာကောင်းပါတယ်။ ဘယ်နိုင်ငံမှာမှ ISIS တွေရဲ့ လူသတ်ပွဲကိုလာကြည့်တာမရှိဘူးနော။ အယ်ကိုင်ဒါးတွေလူသတ်တဲ့ ပွဲကိုလာကြည့်တာမရှိဘူးနော။ ဒါကလည်း ကျနော်တို့က နိုင်ငံတာစံချိန်စံညွှန်းနဲ့ မညီဘူး”။
“ဒါနံပါတ် တစ်ပေါ့၊ ဆိုတော့ အဲမှာ ရုရှားကလာတဲ့ ကာကွယ်ရေးဝန်ကြီးရှိနေတော့ သူ့ဗိုလ်ချုပ်ကြီးတွေက ဘယ်ကနေပိုက်ဆံရလဲမသိတော့ အဲဒီ su 30 လို့ခေါ်တဲ့ ရုရှားက ဝယ်ထားတဲ့ လက်နက်ကို အဲဒီ ဗုံးဂျက်လေယာဉ်ကို အသုံးပြုပြီးတော့ ကရင်ပြည်နယ်ကို သွားတိုက်တာဖြစ်တယ်။ ဆိုတော့ ကျနော်တို့ကလည်း ဒါကိုသေချာယူထားပြီးတော့ အဲဒီပိုက်ဆံတွေ ဒီစစ်ဗိုလ်ချုပ်တွေက မြန်မာပြည်သူလူထုဆီမှာရှိတာတွေ ထုတ်ပြီးတော့ ဓာတ်ငွေ့တွေကို ရောင်းတယ်ဆိုတာတွေကို ဖော်ထုတ်တဲ့ အဖွဲ့အစည်းတွေရှိတယ်။ ဥရောပက အဲဒီ တိုတယ်ကုမ္ပဏီဆီက အခွန်ကနေရပြီးတော့ အဲလိုနဲ့သူတို့က ပြည်သူလူထုဆီက ပိုက်ဆံကိုခိုးပြီးတော့ အဲဒီစစ်လေယာဉ် ရုရှားဆီက ဝယ်တယ်၊ ပြည်သူ့ဆီက ခိုးပြီးတော့ ရုရှားဗုံးကြဲလေယာဉ်ကို ရုရှားဒုဝန်ကြီးချုပ်က လူသတ်ပွဲကြီးကို လာကြည့်တဲ့အခါ ဒါကိုသူတို့က အစွမ်းပြတာဖြစ်တယ်။ သူတို့ကတော့ မသိဘူးလို့ ထင်တယ်။ တစ်ကမ္ဘာလုံးက ဒီလိုဖြစ်နေတယ်ဆိုတာကို နံပါတ်တစ် အခုနလို လူထုဆီကနေ ပိုက်ဆံလုတယ်။ လူထုဆီကနေ ပိုက်ဆံကိုခိုးတယ်၊ အဲပိုက်ဆံကို ရုရှားလေယာဉ်ကို ဝယ်တယ်။ ရုရှားစစ်လေယာဉ်ကို ရုရှားက ဒုဝန်ကြီးလာတဲ့အချိန် လူသတ်ပွဲမှာ ရုရှားတွေ မြင်အောင် လုပ်ပြတာဖြစ်တယ်။ ဒါက လုံးဝလက်ခံမှာ မဟုတ်သလို မြန်မာပြည်သူလူထု သန်း ၅၄ သန်းကဘယ်တော့မှ ဒါကိုလက်ခံမှာမဟုတ်ဘူး။ သူ့သမိုင်းကို သူရေးထားတာဖြစ်တယ်။ သမိုင်းကိုပြန်ရေးလို့ မရတော့ဘူး။ ကျနော်တို့ မြန်မာလူထုအတွက်လည်း ဘယ်သူက ကျနော်တို့ရဲ့ ရန်သူ ဘယ်သူက ကျနော်တို့ရဲ့ မိတ်ဆွေဖြစ်တယ်ဆိုတာကို မျက်စိဖွင့်ပြီးတော့ ကြည့်သင့်ပါတယ်။”
မေး- မြန်မာနိုင်ငံမှာ အကြမ်းဖက် စစ်တပ်က ကလေးသူငယ်တွေကို အသေပစ်သတ်ခဲ့တာတွေ အပေါ် ကမ္ဘာသိအောင်ဘယ်လို လုပ်ဆောင်သွားဖို့ရှိလဲ။
ဖြေ- “ဒီစစ်ဗိုလ်ချုပ်တွေက ဘယ်လောက်ရက်စက်ပြီးတော့ အခုန ကျနော်ပြောသလိုပေါ့ ISIS တွေထက်ပိုဆိုးနေတဲ့ သူတွေဖြစ်တယ်ဆိုတာကို သူတို့ဟာနဲ့ သူတို့ သက်သေပြနေတာဖြစ်ပါတယ်။ ဆိုတော့ နိုင်ငံတကာမှာ ကြည့်မယ်ဆိုရင်လည်း ကလေးတွေ၊ နို့တိုက်မိခင်တွေ ဥပမာ တိုက်တန်းနစ်သဘောကြီးကို ကြည့်ပါ၊ အဲလိုသဘောတွေတောင်ပျက်လို့ လူတွေ သေတော့မယ်ဆိုရင် ကလေးတွေနဲ့ ကိုယ်ဝန်ဆောင်မိခင်တွေကို အရင်ဆုံးထုတ်ရပါတယ်။ အသက်ကယ်တင်ထားရပါတယ်။ ဒါပေမဲ့ မြန်မာနိုင်ငံမှာ ဒီစစ်ဗိုလ်ချုပ်တွေက ကလေးငယ်တွေကိုပဲ Target သတ်နေတယ်ဆိုတာက နံပါတ်တစ် ကျနော်တို့ရဲ့ အနာဂတ်ကို ဖျက်ဆီးနေတာဖြစ်တယ်။ သားစဉ်မြေးဆက် မရှိအောင် လူမျိုးတုံးအောင်လုပ်နေတောဖြစ်တယ်။ ထို့နည်းတူပဲ လူသတ်မှုမှာ အရက်စက်ဆုံးဟာ ကလေးသူငယ်တွေကို သတ်ဖြတ်ခြင်းဖြစ်တယ်။ ကလေးသူငယ်နဲ့ နို့တိုက်မိခင်တွေ၊ ကိုယ်ဝန်ဆောင်မိခင်တွေ အဲတာတွေကို ညှဉ်းပန်းနှိပ်စက်တယ်၊ သတ်ဖြတ်တာက အရက်စက်ဆုံးဖြစ်တယ်။”
“ပြောရမယ်ဆိုရင် ISIS တွေတောင်မှ ကလေးကိုမသတ်ဘူးနော။ ဒါအာလုံးသိထားဖို့လိုတယ်။ ကမ္ဘာမှာတောင်မှ အရက်စက်ဆုံး IS တွေတောင်မှ ကလေးတွေကို မသတ်ဘူးဟုတ်တယ်။ ဆိုတော့ သူတို့က အဲလိုတွေ့တဲ့ ကလေးတွေကို ပစ်ပြီးတော့ သတ်ဖြတ်ပြီးတော့၊ အဖေကြီးကနေ ကလေးကိုပိုက်ပြီးတော့ ထွက်ပြေးတာ မနေ့ညဆိုရင် ဘာတွေ့ရလဲဆိုတော့ တစ်ကမ္ဘာလုံးက တွေ့ရတာက ကလေးအဖေကို သတ်တယ်။ ကလေးအမေကိုဖမ်းတယ်။ ကလေးတွေကို အိမ်မှာချန်ထားတယ်၊ ဆိုတော့ မြန်မာပြည်သူလူထု မကဘဲနဲ့ ကမ္ဘာသူ ကမ္ဘာသားအားလုံးကို သူတို့က နာကျင်ခြင်းကို ဖြစ်စေတယ်။ တစ်ကမ္ဘာလုံးမှာရှိတဲ့ အမေကြီးတွေ အားလုံးက အဲပုံကိုတွေ့တာနဲ့ မျက်ရည်ကျတယ်၊ တကမ္ဘာလုံးမှာရှိတဲ့ အဖေတွေအားလုံးက ကျနော်လည်း ကလေးတွေရှိတယ်။ အဲဒီနေရာကို ကျနော်သွားစဉ်းစားကြည့်လိုက်ရင် မျက်ရည်ကျတယ်။ ကျနော်ဆိုရင် တကယ်ငိုတယ်၊ တကယ်မျက်ရည်ကျတယ်။ ဆိုတော့ သူတို့က တစ်ကမ္ဘာလုံးကို မျက်ရည်ကျသွားအောင်လုပ်တာ ဟုတ်တယ်။ ကျနော်တို့သည် သည်လောက်ရက်စက်နေပါသည်ဆိုတာကို သူတို့က သက်သေအထောက်အထားနဲ့ ပြတယ်ဆိုတော့ သူတို့က လူသတ်မှုကြီးတောင်မှ ရုပ်အဆိုးဆုံး လူသတ်မှုကြီးကို လုပ်နေတယ်ဆိုတာ ကမ္ဘာကို ကြေညာလိုက်တာဖြစ်သလို တကယ်တမ်းဆိုရင်တော့ ကလေးမှာ ဘယ်ရန်သူမှမရှိဘူး။ သူတို့က Innocent လို့ပြောတဲ့ အခါမှာ အပြစ်မဲ့ ပြည်သူတွေလို့ပြောတဲ့ အခါမှာ ကျနော်တို့ ကလေးတွေက အဖြူစင်ဆုံးနဲ့ အရိုးသားဆုံး သူတို့ဟာ ဘာနိုင်ငံရေး ရည်မှန်းချက်မှ မကြီးဘူး၊ ဘယ်အကြမ်းဖက်မှုမှလည်း မရှိဘူး၊ သူတို့မှာ ဘာမှလည်း မရှိဘူးနော။ ဖေဖေမေမေဆိုတာလောက်ပဲ ရိုးသားဖြူစင်တဲ့ ကလေးတွေ၊ သူတို့က အဲလိုသတ်ဖြတ်တယ်ဆိုတာ ကမ္ဘာက သူတို့ကို မျက်နှာကိုကြည့်ပြီးတော့ ဒီအာဏာသိမ်းစစ်ကောင်စီ အဖွဲ့အစည်းသည် အကြမ်းဖက်အဖွဲ့အစည်းဖြစ်တာသာမကဘဲ အရက်စက်ဆုံးနဲ့ အဆိုးဝါးဆုံး အကြမ်းဖက်အဖွဲ့အစည်းဖြစ်တယ်ဆိုတာကိုပဲ သူတို့က သက်သေပြတာဖြစ်ပါတယ်”။
မေး- CRPHရဲ့ ကြိုးစား လုပ်ဆောင်ချက်တွေက ဒီရက်ပိုင်းမှာ ဘာတွေထူးခြားနိုင်မလဲ ခင်ဗျာ။
ဖြေ- “အခုဆိုရင်တော့ ဒီယာယီဖွဲ့စည်းပုံအခြေခံ ဥပဒေနောက်ကွယ်မှာ လူကြီးတွေ တော်တော်များများက တိုင်းရင်းသားဘက်ကလည်း အများကြီးပါတယ်၊ အဖွဲ့အစည်းကလည်း အများကြီးပါတယ်၊ CRPH ခေါင်းဆောင်တွေကလည်း အများကြီး နေ့ညမပြတ် သူတို့က ဒါကို အချိန်တိုအတွင်းမှာ လုပ်နေပါတယ် လုပ်ပြီးသွားပြီ။ ဒီလမကုန်ခင်မှာ ဒါကဖြစ်လာတော့မယ် ရှိလာတော့မယ်။ ဒါပြီးရင်တော့ ကျနော်တို့တွေ Unity National Government ပေါ်လာမှာဖြစ်တယ်။ ဒီအာဏာသိမ်းစစ်ကောင်စီကို ဖယ်ရှားဖို့ရန်အတွက် အမြစ်ပြတ်ဖယ်ရှားဖို့ရန်အတွက် ကြိုးစားသွားမှာဖြစ်ပါတယ်။ ထို့နည်းတူပဲ ဒီအာဏာသိမ်းစစ်ကောင်စီက မနေ့ည လူသတ်ပွဲကြီးကို ကြည့်မယ်ဆိုရင် သူတို့က အဲလိုလူကို သတ်နိုင်ဖို့ရန်အတွက် အမြင့်ဆုံးမှာရှိတဲ့ ခေါင်းဆောင်တွေက သေချာပြင်ဆင်ထားတယ်။ ညနေမှာ သူတို့က ထုတ်ထားတယ်၊ အပြင်ထွက်ပြီး ဆန္ဒပြတဲ့သူတွေကို ခေါင်းမှာပစ်မယ်၊ ဖြတ်မယ်ဆိုတာ အဲဒီပေါ်လစီနဲ့ လုပ်ထားတာ။ ဆိုတော့ ကျနော်တို့ကလည်း လက်ပိုက်ပြီး ကြည့်လို့မရတော့ဘူး အဆုံးထိ ရင်ဆိုင်သွားမှာဖြစ်ပါတယ်။ ဆိုတော့ ပြောချင်တာကတော့ အဲဒီပေါ်လာမဲ့ အစိုးရသည် ဖက်ဒရယ်ဒီမိုကရတ်တစ် အစိုးရဖြစ်သလို နိင်ငံတစ်ကာ ထောက်ခံအားပေးမှုဟာလည်း ကြီးမားလာခဲ့တာဖြစ်ပါတယ်။ ကျနော်တို့ဟာလည်း နေ့ညမပြတ် ကျနော်ဆိုရင် တစ်ညကို သုံးနာရီနဲ့ လေးနာရီအိပ်ဖို့ပဲ အချိန်ရှိတယ် ၊ကျန်တဲ့ နှစ်ဆယ်နာရီကို အလုပ်လုပ်ပါတယ် ၊ မြန်မာပြည်သူလူထုအတွက်ကို မနက်နေထွက်တဲ့ အချိန်ကနေ ညနေ နေဝင်တဲ့ အထိ အလုပ်လုပ်နေတဲ့ သူတွေ အများကြီးရှိတယ်။ အဲလို အလုပ်လုပ်နေတဲ့ သူတွေရှိတဲ့ အတွက်ကြောင့် ဒီပေါ်လာမယ့် အစိုးရဟာလည်း နိုင်ငံတကာထောက်ခံမှု အများကြီးရထားသလို ပြည်သူလူထု အတွက်ဖက်ဒရယ် ဒီမိုကရတ်တစ် အစိုးရဖြစ်လာမယ်”။
မြဝတီ အမှတ် ၃ ရပ်ကွက် အုပ်ချုပ်ရေးမှူးရုံးရှေ့ ဗုံးပေါက်ကွဲမှုဖြစ်ပွား
မတ်လ ၂၈ ရက် ၂၀၂၁ခုနှစ်။ ကေအိုင်စီ
ကရင်ပြည်နယ် မြဝတီမြို့ အမှတ် ၃ ရပ်ကွက်အုပ်ချုပ်ရေးမှူးရုံးရှေ့တွင် ယနေ့ မတ်လ ၂၈ ရက် ည ၈ နာရီ ၁၀ မိနစ် အချိန်ခန့်က ဗုံးပေါက်ကွဲမှု ဖြစ်ပွားခဲ့ကြောင်း သိရသည်။
ဗုံးပေါက်ကွဲမှုနှင့်ပတ်သက်၍
"ယနေ့ မတ်လ ၂၈ ရက် ည ၈း၁၀ နာရီ အချိန်ခန့်က ဖြစ်သွားတာပါ။
Wave 110 i အမျိုးအစား ဆိုင်ကယ်ဖြင့် စီးနင်းလာသူမှ ပစ်ချသွားတယ်လို့ ယူဆမိတယ်" ဟု ဗုံးပေါက်ကွဲမှုဖြစ်ချိန် အနီးဝန်းကျင်ရှိ ရပ်ကွက်ရာအိမ်မှူးတစ်ဦးက ပြောသည်။
အဆိုပါ ဗုံးပေါက်ကွဲမှုကြောင့် ရုံးအရှေ့တွင်ရပ်ထားသော GAIA အမျိုးအစား မော်တော်ယာဉ် ဘေးဘက်တွင်ဗုံးဆံထိမှန်မှုများရှိခဲ့ သော်လည်း လူတစ်ဦးတစ်ယောက်မျှ ထိခိုက်ဒဏ်ရာရရှိခြင်း မရှိခဲ့ဟု သိရသည်။
#KIC. ကရင်သတင်းစဉ်
အကြမ်းဖက် စစ်ကောင်စီ၏ ဗုံးကြဲတိုက်ခိုက်မှုကြောင့် ဒေသခံ တစ်သောင်းကျော် ဘေးလွတ်ရာ ထွက်ပြေးနေရ
မတ်လ ၂၉ ရက်၊ ၂၀၂၁ခုနှစ်။ ကေအိုင်စီ
ပြီးခဲ့သည့် မတ်လ ၂၇၊ ၂၈ ရက်အတွင်း အကြမ်းဖက် စစ်ကောင်စီ၏ လေယာဉ်ဖြင့် ဗုံးကြဲတိုက်ခိုက်မှု ကြောင့် မူတြော်(ဖာပွန်) ဒေသခံ ကျေးရွာသား တစ်သောင်းကျော် ဘေးလွတ်ရာသို့ ထွက်ပြေးတိမ်းရှောင်နေကြရကြောင်း ယနေ့မတ်လ ၂၉ရက်နေ့တွင် ကရင်အမျိုးသားအစည်းအရုံး-KNU က သတင်းထုတ်ပြန်ထားသည်။
အကြမ်းဖက်စစ်ကောင်စီမှ KNU ထိန်းချုပ်နယ်မြေအတွင်းရှိ ဒေပူနို၊ တနေးလူတောင်ကုန်း၊ ကလိုဘောထာ၊ မောယူနီ၊ သယ်ဘိုးပလော၊ သီးကောထာနှင့် ဟိုကေ စသည့် ကျေးရွာ (၇) ရွာအတွင်းသို့ ဗုံးကြဲတိုက်ခိုက်ခဲ့ ခြင်းဖြစ်ကြောင်း KNUက ယနေ့ (မတ် ၂၉) နောက်ဆုံးအခြေအနေကို သတင်းထုတ်ပြန်ထားခြင်းဖြစ်သည်။
၂ ရက်တာဗုံးကြဲတိုက်ခိုက်မှုအပြီး လူနေအိမ် ၂ လုံးမီးလောင်ပြာကျသွားခဲ့ပြီး အရပ်သား (၃) ဦး သေဆုံးခဲ့ကာ ၉ ဦး ထိခိုက်ဒဏ်ရာရရှိခဲ့ကြပြီး ဒေသခံ ရွာသားတစ်သောင်းကျော် အိုးအိမ်စွန့်ခွာ၍ ဘေးလွတ်ရာ ဒေသများနှင့် သံလွင်မြစ်တစ် ဖက်ကမ်းရှိ ထိုင်းနိုင်ငံဘက်သို့ ထွက်ပြေးတိမ်းရှောင်နေကြရကြောင်း KNU ကဆိုသည်။
လတ်တလော ထွက်ပြေးတိမ်းရှောင်နေကြရသူများအနေဖြင့် အရေးပေါ် စားနပ်ရိက္ခာ အကူအညီများလိုအပ် လျက်ရှိပြီး လက်ရှိအချိန်အထိ တစ်စုံတစ်ရာကူညီထောက်ပံ့မှုများ မရရှိကြသေးကြောင်း သိရသည်။
ထိုင်းရောက် ကရင်စစ်ရှောင် ၅၂၀ ဦးအား ထပ်မံပြန်ပို့
မတ်လ ၃၀ရက်၊ ၂၀၂၁ခုနှစ်။ ကေအိုင်စီ
မူတြော်ခရိုင် သံလွင်မြစ်ကမ်းနံဘေးရှိ စစ်ကောင်စီတပ်၏ လေကြောင်းရန်ကြောင့် ထိုင်းနိုင်ငံဘက်ခြမ်းသို့ တိမ်းရှောင်သွားခဲ့သည့် အူးဝဲကလိုးနှင့် ပကာဒဲရွာမှ ဒေသခံကရင်စစ်ရှောင်ရွာသား ၅၂၀ ဦးအား ထိုင်းအာဏာပိုင်များက ယနေ့ နေ့လည်ပိုင်းတွင် ထပ်မံ ပြန်ပို့လိုက်သည်ဟု သိရသည်။
ယမန်(မတ် ၂၉ရက်) နေ့ ညနေတုန်းကလည်း စစ်ကောင်စီတပ်၏ လေကြောင်းရန်ကြောင့် သံလွင်မြစ်တဖက်ကမ်း ထိုင်းနိုင်ငံဘက်ခြမ်းသို့ တိမ်းရှောင်ခဲ့သည့် အီတူးထာကျေးရွာမှ စစ်ရှောင် ၂၀၀၉ဦးကိုလည်း ထိုင်းအာဏာပိုင်များမှ ပြန်ပို့ဆောင်ခဲ့ပြီးဖြစ်သည်။
စစ်ကောင်စီတပ်၏ ဂျက်လေယာဉ်ဖြင့် လာရောက်ပစ်ခတ်မည့်သတင်းကြောင့် ပြီးခဲ့သည့် မတ်လ ၂၈ရက်နေ့ မွန်းလွဲပိုင်းတွင် သံလွင်မြစ်ကမ်းနံဘေးတစ်လျှောက်မှ အဆိုပါ ဒေသခံ ၃၀၀၀ နီးပါးမှာ ထိုင်းနိုင်ငံဘက်ခြမ်းသို့ သွားရောက်တိမ်းရှောက်ခဲ့ကြခြင်းဖြစ်သည်။
ညီနောင်မဟာမိတ် သုံးဖွဲ့စလုံး အပစ်အခတ်ရပ်စဲရေး ဆက်လုပ်သင့်၊ မသင့် စဉ်းစားနေ
~~~~~
■ တိုင်းရင်းသားလက်နက်ကိုင်တပ်ဖွဲ့ တွေဖြစ်တဲ့ MNDAA ၊ TNLA နဲ့ AA ညီနောင်မဟာမိတ် သုံးဖွဲ့အနေနဲ့ ပြီးခဲ့တဲ့ ၂၀၁၉ ခုနှစ် စက်တင်ဘာလကနေ ထုတ်ပြန်လာခဲ့တဲ့ တစ်ဖက်သတ် အပစ်အခတ်ရပ်စဲရေးကို ဆက်လက် ထုတ်ပြန်သင့်၊ မသင့်ကို စဉ်းစားနေဆဲဖြစ်တယ်လို့ TNLA ရဲ့ ပြန်ကြားရေးတာဝန်ခံ ဒုတိယဗိုလ်မှူးကြီး မိုင်းအိုက်ကျော် က RFA ကို ပြောပါတယ်။
ဆန္ဒပြပြည်သူတွေကို အာဏာသိမ်းစစ်ကောင်စီတပ်တွေက အကြမ်းဖက်ဖြိုခွင်းတဲ့လုပ်ရပ်တွေနဲ့ ပတ်သက်လို့ ညီနောင်မဟာမိတ် (၃) ဖွဲ့ရဲ့ ထိပ်ပိုင်းဆောင်တွေက ဆွေးနွေးနေကြတယ်လို့လည်း ဆိုပါတယ်။
ညီနောင်မဟာမိတ်သုံးဖွဲ့ရဲ့ တစ်ဖက်သတ် အပစ်အခတ်ရပ်စဲရေးနောက်ဆုံးကြေညာချက်ဟာ မနက်ဖြန် မတ်လ ၃၁ ရက်နေ့မှာ သက်တမ်းကုန်ဆုံးမှာဖြစ်ပါတယ်။
ရက္ခိုင့်တပ်တော် (AA)နဲ့ တပ်မတော်တို့အကြား အချိန် လေးလနီးပါး အပစ်အခတ်တွေရပ်စဲနေတဲ့ ရခိုင်မြောက်ပိုင်းမှာတော့ အပစ်အခတ်တွေရပ်ရေး ထုတ်ပြန်တာမရှိရင် တိုက်ပွဲတွေ ပြန်ဖြစ်လာမလား ဆိုတဲ့ စိုးရိမ်မှုတွေရှိနေပါတယ်။
လက်ရှိမြန်မာပြည်တွင်းမှာ ဆန္ဒပြပွဲတွေနဲ့ပတ်သက်လို့ အကြမ်းဖက်တဲ့လုပ်ရပ်တွေကို ရပ်တန့်ဖို့လိုအပ်ပြီး မရပ်တန့်ခဲ့ရင် နွေဦးတော်လှန်ရေးဆင်နွှဲနေကြတဲ့ပြည်သူတွေနဲ့အတူ ပူပေါင်းဆောင်ရွက်သွားမယ်လို့ ညီနောင်မဟာမိတ် သုံးဖွဲ့က ဒီနေ့ထုတ်ပြန်ထားပါတယ်။
ဒီထုတ်ပြန်ချက်နဲ့ပတ်သက်လို့ တပ်မတော်ဘက်က ဒီနေ့ ညနေပိုင်းအထိ တစ်စုံတစ်ရာ ထုတ်ပြန်တာ မရှိသေးပါဘူး။
ကြေညာချက် အမှတ် ( ၁၇/၂၀၂၁ )
၁၃၈၂ ခုနှစ်၊ တပေါင်းလပြည့်ကျော် ၃ ရက်
မတ်လ (၃၀)ရက်၊ ၂၀၂၁ခုနှစ်။
================
၁။ တိုင်းရင်းသားပြည်သူလူထု၏ အသက်အိုးအိမ်စည်းစိမ်များကို အကြမ်းဖက်တိုက်ခိုက်လျက်ရှိသည့် အာဏာ သိမ်းစစ်ကောင်စီ နှင့် ၎င်းတို့၏ လက်ပါးစေ လက်နက်ကိုင်အကြမ်းဖက်သောင်းကျန်းသူများ၏ ရက်စက်မှုများ ကြောင့် နိုင်ငံတစ်ဝှမ်း၌ ပြည်သူအများ နေ့စဉ်နှင့်အမျှ အတိဒုက္ခရောက်နေကြရသည်။
၂။ အကြမ်းဖက်စစ်ကောင်စီ၏ ရက်စက်ကြမ်းကြုတ်မှုများကို ရှုတ်ချပြီး ပြည်သူများနှင့်အတူ တိုက်ပွဲဝင် လျက်ရှိ သည့် တိုင်းရင်းသားလက်နက်ကိုင်တော်လှန်ရေးအဖွဲ့အစည်းများ၏ ခိုင်မာသော ရပ်တည်ချက်များ၊ ကူညီပံ့ပိုး မှုများကို မြင်တွေ့ ကြားသိ နေရပါသည်။
၃။ ညီနောင်မဟာမိတ် (၃) ဖွဲ့ ဖြစ်သော ကိုးကန့် (MNTJP/MNDAA)၊
တအောင်း (PSLF/TNLA) နှင့် ရခိုင် (ULA/AA) တို့က ၂၀၂၁ ခုနှစ် မတ်လ (၃၀) ရက်စွဲဖြင့် ထုတ်ပြန်ကြေညာသည့် မြန်မာ့တပ်မတော်မှ စစ်အာဏာသိမ်းပြီးနောက် မြန်မာနိုင်ငံအတွင်း လက်ရှိဖြစ်ပျက်နေသော ပြည်တွင်း ပဋိပက္ခများနှင့် ပတ်သက်၍ သဘောထားထုတ်ပြန်ကြေညာချက်ကို ပြည်ထောင်စုလွှတ်တော်ကိုယ်စားပြုကော်မတီက ကြိုဆိုပါကြောင်းနှင့် မြန်မာ့နွေဦးတော်လှန်ရေး အောင်မြင်ရေးနှင့် ဖက်ဒရယ်ဒီမိုကရေစီပြည်ထောင်စု တည်ထောင်ရေးတို့အတွက် အတူလက်တွဲ ကြိုးပမ်းဆောင်ရွက်သွားရန် ဖိတ်ခေါ်ပါကြောင်း ထုတ်ပြန်ကြေညာအပ်ပါသည်။
ငြိမ်းချမ်းစွာဆန္ဒပြနေသည့် ပြည်သူလူထုအား ဆက်လက်သတ်ဖြတ်နေမည် ဆိုပါက တိုင်းရင်းသားလူမျိုးပေါင်းစုံ၊ ဘ၀တူညီနောင်များနှင့်အတူ ခုခံကာကွယ်ရေးအတွက် ပူးပေါင်းဆောင်ရွက်သွားမည်ဖြစ်ကြောင်း ညီနောင်မဟာမိတ်(၃) ဖွဲ့ MNDAA၊TNLA၊AA တို့ သဘောထားထုတ်ပြန်။
မန္တလေးက မီးဘေးသင့်ပြည်သူတွေကို CRPH ရဲ့ လူကယ်ပြန်ဌာနက ထောက်ပံ့ငွေပေးအပ်
=======================================================================
မန္တလေးတိုင်းဒေသကြီး၊ ပြည်ကြီးတံခွန်မြို့နယ်မှာ မတ်လ ၂၇ ရက်နေ့၊ ညပိုင်းက မီးလောင်မှုဖြစ်ပွားခဲ့ပြီး အိမ်ခြေ ၇ဝ နီးပါးမီးလောင်ဆုံးရှုံးလို့ အိုးအိမ်မဲ့ဘဝရောက်ခဲ့ရတဲ့ အိမ်ထောင်စုတွေအတွက် CRPH နဲ့ လူကယ်ပြန်ဌာနက ကူညီထောက်ပံ့ငွေကျပ်သိန်း ၇ဝ ကို ပြည်သူတွေကနေတစ်ဆင့် ထောက်ပံ့ပေးအပ်ခဲ့တယ်လို့ ပြည်ထောင်စုလွှတ်တော်ကိုယ်စားပြုကော်မတီ CRPH က ထုတ်ပြန်ပါတယ်။
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနအနေနဲ့ လက်ရှိစစ်အာဏာသိမ်းကာလအတွင်း ပြည်ထောင်စုလွှတ်တော်ကိုယ်စားပြုကော်မတီ CRPH အောက်မှ ဝန်ကြီးဌာနရဲ့ ပင်မလုပ်ငန်းတွေကို ဆက်လက်ဆောင်ရွက်ရာမှာ အခက်အခဲအတားအဆီးမျိုးစုံနှင့် ခြိမ်းခြောက်ရန်ပြုမှုပေါင်းစုံကို ရင်ဆိုင်ကြုံတွေ့ရလျက်ရှိတယ်လို့လည်း ပါရှိပါတယ်။
စစ်အာဏာသိမ်းမှုကြောင့် လူဖန်တီးတဲ့ ဘေးဒုက္ခပေါင်းစုံကို ကြံ့ကြံ့ခံရင်ဆိုင်နေကြတဲ့ အခြေအနေမှာ မီးလောင်ကျွမ်းမှုကြောင့် ဘေးသင့်ပြည်သူလူထုအနေနဲ့ တစ်ပူပေါ် နှစ်ပူဆင့်ဆိုသလို ထိခိုက်ခံစားရပြီး မီးဘေးသင့်အိုးအိမ်မဲ့ပြည်သူတွေအတွက် အထောက်အပံ့ဖြစ်စေရေး ဝန်ကြီးဌာနအနေနဲ့ အခက်အခဲတွေကြားက အခုလိုကူညီထောက်ပံ့ရတာဖြစ်တယ်လို့လည်း ထုတ်ပြန်စာမှာ ပါရှိပါတယ်။
CRPH နဲ့ လူမှုဝန်ထမ်း၊ ကယ်ဆယ်ရေးနဲ့ ပြန်လည် နေရာချထားရေးဝန်ကြီးဌာနအနေနဲ့ စစ်အာဏာသိမ်းမှုအတွင်း သေဆုံးခဲ့ရသူတွေ၊ ထိခိုက်ဒဏ်ရာရရှိခဲ့သူတွေ၊ ညှဉ်းပမ်းနှိပ်စက်ခံရသူတွေ၊ မတရားဖမ်းဆီးခံရသူတွေ၊ ဒုက္ခခံစားကြရတဲ့ ကလေးသူငယ်တွေ၊ မသန်စွမ်းတွေ၊ အမျိုးသမီးတွေ၊ သက်ကြီးရွယ်အိုမတွေနဲ့ သူတို့ရဲ့ မိသားစုဝင်တွေအားလုံးနဲ့အတူ တစ်သွေးတစ်သားတည်း ရပ်တည်လျက်ရှိကြောင်းနဲ့ ဘေးသင့်ပြည်သူများအတွက် ထောက်ပံ့ကူညီမှုတွေကို လိုအပ်သလို ဆက်လက်ဆောင်ရွက်ပေးသွားမယ်လို့လည်း အသိပေးထားတာပါ။
တောင်ဒဂုံ(၅၄)ရပ်ကွက်ကို အကြမ်းဖက်တပ် ဝင်သောင်းကျန်းနေ
---------------------------
တောင်ဒဂုံ ၅၄ ရပ်ကွက်ကို စစ်ကောင်စီရဲ့ အကြမ်းဖက်တပ်တွေက ဒီနေ မတ်လ ၂၉ ရက် နေ့လည်မှာ ဝင်ရောက်စီးနင်းသောင်းကျန်းနေတယ်လို့ သိရပါတယ်။လက်ရှိမှာ ဗုံး(၅)လုံးထက်မနည်းပစ်ခတ်နေတယ်လို့ ဒေသခံတွေကပြောပါတယ်။
ဒီနေ့မနက်အစောပိုင်း ၉ နာရီဝန်းကျင်လောက်ကတော့ ၁၈ ကွေ့နဲ့ ဘုန်းကြီးကျောင်းကွေ့ကြား မောင်းမကန်လမ်းမပေါ်က အတားအဆီးတွေကို ဖယ်ရှားပြီး ခြိမ်းခြောက်မှုတွေ လုပ်ခဲ့တယ်လို့ BNN သတင်းထောက်ကပြောပါတယ်။
ဒါ့ပြင် တောင်ဒဂုံမှာ မနေ့ညကလည်း အကြမ်းဖက်တပ်တွေက ပစ်ခတ်လို့ အမျိုးသား ၂ ဦးနဲ့ အမျိုးသမီး တစ်ဦး သေဆုံးခဲ့ပါတယ်။
တောင်ဒဂုံ ၁၈ ကွေ့က မနေ့ညပစ်ခတ်မှု လူထုက အလောင်း ၂ လောင်းကို မနက်ပိုင်းမှ ပြန်ယူနိုင်
'ထိတာ ၃ ဦးပေမဲ့ ပေါင်ထိတဲ့ ၁ ဦးကို လူထုက ကယ်နိုင်ခဲ့တယ်။ ဆုံးသွားတဲ့ ၂ ဦးကိုကျတော့ သူတို့ ပစ်ခတ်အပြီး ဒဏ်ရာရနေတဲ့ သူတွေကို လာကောက်မယ့်သူတွေကို ဆက်စောင့်နေတဲ့သဘောမျိုးရှိခဲ့တယ်။ ထွက်လာရင်ပစ်မယ်သဘောမျိုးပေါ့။ ပြီးသွားတော့ သေဆုံးသွားတဲ့အလောင်းတွေကို ပြန်သယ်သွားပြီးတော့ မနက်ပိုင်း ၅ နာရီလောက်ကျမှ သေနတ်ဒဏ်ရာအမြောက်အများနဲ့ အလောင်းတွေကို ပြန်လာထားတဲ့ပုံစံမျိုးရှိတယ်' လို့ မျက်မြင်တစ်ဦးက ပြောပါတယ်။
အသက်ဆုံးရှုံးသူတွေကို သတိရဂုဏ်ပြုတဲ့အနေနဲ့ မြန်မာနိုင်ငံရှိ ကုလသမဂ္ဂရုံးတွေမှာ အလံတဝက်ထူ
~~~~~~
■ မည်သူကမျှ လုယူသိမ်းပိုက်လို့မရသည့် လူအခွင့်အရေးဖြစ်တဲ့ လွတ်လပ်စွာထုတ်ဖော်ပြောဆိုခွင့်နဲ့ ငြိမ်းချမ်းစွာစုဝေးခွင့်ကို ကျင့်သုံးရင်း ဖေဖော်ဝါရီလ တစ်ရက်နေ့ကစပြီး မြန်မာနိုင်ငံမှာ အသက်ဆုံးရှုံးခဲ့ရသူတွေကို အောက်မေ့သတိရ ဂုဏ်ပြုတဲ့အနေနဲ့ မြန်မာနိုင်ငံရှိ ကုလသမဂ္ဂရုံးတွေမှာ ဒီနေ့ ကုလသမဂ္ဂအလံကို တိုင်ဝက်သာလွှင့်ထူထားတာကို တွေ့ရတာဖြစ်ပါတယ်။
RFA က ကောက်ယူထားတဲ့စာရင်းအရ ဖေဖော်ဝါရီလ ၁ ရက်နေ့ကစပြီး ဒီနေ့အထိ စစ်ကောင်စီတပ်က အကြမ်းဖက်ပစ်ခတ်သတ်ဖြတ်ခံရလို့ သေဆုံးတဲ့သူ ၄၀၀ ကျော်ရှိသွားပါပြီ။
မတ်လ ၂၈၊ တောင်ကြီး။
စိတ်မချမ်းမြေ့ဖွယ် ပုံရိပ်တွေပါ၀င်ပါတယ်။
မတ်လ ၂၈ ရက်၊ တနင်္ဂနွေနေ့ ညနေပိုင်းက တောင်ကြီးမှာ ဆန္ဒပြသူတွေကို စစ်ကောင်စီက ပစ်ခတ်ခဲ့ပြန်တဲ့ အတွက် အသက် ၁၇ နှစ် အရွယ် မောင်ဝေယံမိုး သေဆုံးကြောင်း အတည်ပြုထားနိုင်ပြီး ဒဏ်ရာ ရသွားသူတွေလည်း အနည်းဆုံး ၃ ယောက် ရှိတယ်လို့ ကူညီကယ်ဆယ်ရေး လုပ်ဆောင်နေသူတွေက ပြောပါတယ်။
ညပိုင်း ရပ်ကွက်တွေထဲ ၀င်ရောက် ပစ်ခတ်တာတွေလည်း စစ်ကောင်စီ တပ်ဖွဲ့၀င်တွေ ကျုးလွန်ကြတယ်လို့ မြို့ခံတွေက ပြောပါတယ်။
စစ်ကောင်စီ သတ်ဖြတ်မှုကြောင့် မတ်လ ၂၇ ရက်၊ စနေနေ့ကလည်း တနိုင်ငံလုံး အနှံ့ လူတွေ ရာကျော် သေဆုံးခဲ့ရပါတယ်။
မတ်လ ၂၇ ရက်နေ့တုန်းက တောင်ကြီးမှာလည်း စပ်စံထွန်းရပ်ကွက်နဲ့ ရတနာသီရိ ရပ်ကွက်တွေမှာ အိမ်တွေထဲ အထိ ပစ်ခတ်တာတွေ ရှိခဲ့ပြီး၊ ကျည်ထိမှန်ခံရသူ တွေရှိခဲ့တယ်လို့လည်း မြိုခံတွေက ဆိုပါတယ်။
စနေနေ့ အကြမ်းဖက်မှုကြောင့် သေဆုံးသူ ဒဏ်ရာရသူတွေ ရှိမှန်း သိပေမယ့်၊ ဘယ်ရောက်လို့ ရောက်မှန်းမသိ ပျောက်နေတာတွေ အတော်များများ ရှိနေပြီး စာရင်း အတိအကျ မပြုစုနိုင် ဖြစ်နေတယ်လို့ လည်း ကယ်ဆယ်ရေး လုပ်ဆောင်သူတွေက ပြောပါတယ်။
ရတနာသီရိရပ်ကွက် ပစ်ခတ်ခံခဲ့ရတဲ့ ဓာတ်ပုံတွေမှာ စိတ်မချမ်းမြေ့ဖွယ် သွေးစွန်းနေတဲ့ ပုံရိပ်တွေ ပါ၀င်ပါတယ်။ မီးလောင်နေတာကတော့ လူတွေ သေနတ်နဲ့ ပစ်ခံရတဲ့အခါ လူငယ်တချို့က လူအများ ရှောင်တိမ်းခွင့် ပေါ်လာအောင်၊ စစ်ကောင်စီ တပ်ဖွဲ့ အာရုံပြောင်းအောင် ပတ်၀န်းကျင် အန္တရာယ် မရှိတဲ့ လမ်းမပေါ် မီးရှို့တာမျိုး လုပ်ခဲ့တာလို့ ဆိုပါတယ်။
ဆန္ဒပြသူ တရာနီးပါးအထိ အသတ်ခံရမှုအတွက် ကုလ ဌာနေအဖွဲ့များက စစ်ကောင်စီအား ကန့်ကွက်
-------------------------------------------
(၂၇-၃-၂၀၂၁)
ယနေ့တွင် နိုင်ငံအနှံ့အပြား၌ စစ်တပ်က လူပေါင်းဒါဇင်နှင့်ချီကို ပစ်ခတ်သတ်ဖြတ်ခဲ့သည့်အတွက် အကြောင်းမဲ့ အသက်သေဆုံးမှုများဖြစ်ခဲ့ပြီး အာဏာသိမ်းစဉ်အတွင်း သွေးထွက်သံယိုမှုအများဆုံးနေ့တစ်ရက် ဖြစ်ခဲ့သည်ကို ကြားသိရသည့်အတွက် လွန်စွာ အံ့အားသင့်တုန်လှုပ်မိပါသည်။
အကြမ်းဖက်မှုများသည် လုံးဝလက်ခံနိုင်စရာမရှိပါ။ ၎င်းတို့ကို ချက်ချင်းရပ်တန့်ရမည်။ တာဝန်ရှိသူများကို တာဝန်ခံစေရမည်။ ကုလသမဂ္ဂအထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Christine Schraner Burgener ပြောကြားခဲ့သကဲ့သို့ မိမိတို့နိုင်ငံ၏ ငြိမ်းချမ်းရေးနှင့် ပြည်သူများအား ကာကွယ် စောင့်ရှောက်ရေးသည် မည်သည့်စစ်တပ်မဆို ထမ်းဆောင်ရမည့် တာဝန်ဖြစ်သော်လည်း တပ်မတော်သည် ပြည်သူများကို မိမိကိုယ်တိုင် ပြန်လည်ရန်ပြု တိုက်ခိုက်နေပါသည်။
မြန်မာနိုင်ငံဆိုင်ရာကုလသမဂ္ဂဌာနေအဖွဲ့တွင် FAO, ILO, IOM, ITC, OCHA, UNAIDS, UNCDF, UNDP, UNEP, UNESCO, UNFPA, UN HABITAT, UNHCR, UNICEF, UNIDO, UNODC, UNOPS, UNV, UN WOMEN, WFP, WHO တို့ပါဝင်သည်။
21.5.2021 ဒီးမော့ဆိုတွင် အကြမ်းဖက်စစ်ကောင်စီ ဂိတ်စခန်းကို PDF မီးရှို့ ကရင်နီပြည် ဒီးမော့ဆိုမြို့ရှိ ထူလွီးဘီလာဂိတ်ကို ယနေ့ညနေ ၅ နာရီ ၅၀ ...
