CRPH မှ ခန့်ထားသည့် ဒုသမ္မတ မန်းဝင်းခိုင်သန်း၏ မြဝတီမြို့ရှိနေအိမ်အား ရဲတပ်ဖွဲ့မှ ဝင်ရောက်ရှာဖွေ။
မတ်လ ၁၀ ရက် ၂၀၂၁ ခုနှစ်။ ကေအိုင်စီ
ယမန်နေ့ မတ်လ ၉ ရက်နေ့က ပြည်ထောင်စုလွှတ်တော်ကိုယ်စားပြုကော်မတီ -CRPH မှ ခန့်အပ်ထားသည့် ဒုသမ္မတ မန်းဝင်းခိုင်သန်း၏ မြဝတီမြို့ရှိ နေအိမ်အား ရဲတပ်ဖွဲ့မှဝင်ရောက်ရှာဖွေမှုပြုလုပ်ခဲ့ကြောင်း သိရသည်။
မန်းဝင်းခိုင်သန်း၏ ကရင်ပြည်နယ် မြဝတီမြို့ အမှတ် ၃ ရပ်ကွက် မန်းဘခိုင်လမ်းရှိ နေအိမ်အား ယနေ့ မတ်လ ၉ ရက်နေ့ မွန်းလွဲ ၂ နာရီခန့်က ရဲတပ်ဖွဲ့မှ ဝင်ရောက်ရှာဖွေမှုများ ပြုလုပ်ခဲ့သည်ဟု အနီးဝန်းကျင်ရှိ ပြည်သူများက ပြောသည်။
“ရဲတပ်ဖွဲ့ ကား ၃ စီးခန့်ဖြင့် မွန်းလွှဲ ၂ နာရီလောက်က လာကြတာပါ ။ အခုတော့ သူတို့ပြန်သွားကြပါပြီး။ ဘာတွေပါသွားလဲ ဆိုတာတော့ အတိအကျ မသိရဘူး”ဟု ပြည်သူတစ်ဦးက ကေအိုင်စီသို့ ပြောသည်။
CRPH မှ ဒု သမ္မတအဖြစ် ခန့်အပ်ခြင်းခံရသော မန်းဝင်းခိုင်သန်းသည် ပြီးခဲ့သည့် ၂၀၂၀ ရွေးကောက်ပွဲ၌ မြဝတီမြို့နယ် မဲဆန္ဒနယ်အမှတ် (၁၁) မှ အနိုင်ရကိုယ်စားလှယ်ဖြစ်ပြီး ယခင်က အမျိုးသားလွှတ်တော်ဥက္ကဌ တာဝန်ကို ထမ်းဆောင်ခဲ့သူလဲဖြစ်သည်။
No comments:
Post a Comment