Thursday, March 4, 2021

သေနာချုပ်ကြီးရဲ့ ရူးကြောင်ကြောင် အကွက်များ

သေနာချုပ်ကြီး မအလဟာ စစ်သက္ကသိုလ်ရဲ့ ကျောင်းအုပ်ကြီးဘဝကနေ လာတယ်လို့ ဖတ်ဘူးပါတယ်။ ဒါကြောင့် စစ်သားထဲမှာတော့ ပညာတတ်တစ်ယောက် အနေနဲ့ မှတ်ယူဘူးပါတယ်။ အစပိုင်းမှာတော့ အဲဒီအသွင်အပြင်လေးတွေကိ မြင်ခဲ့ရပေမယ့် နောက်မှာတော့ ရူးကြောင်းကြောင် လုပ်ဆောင်မှုတွေကို မြင်လာရတယ်။ ပညာတတ်တစ်ယောက် ရဲ့ အသက်ရှင် လုပ်ဆောင်မှုမျိုးမဟုတ်ပါဘူး။


သေနာချုပ်ကြီးဖြစ်လာတဲ့အချိန်ကနေစပြီး အမျိုးဘာသာစောင့်ရှောက်သူ ဆိုတဲ့ လမ်းဘေး ကလေကချေ ပုဂ္ဂိုလ်တွေရဲ့ မြှောက်စားမှုကို အဟုတ်ကြီးထင်ခဲ့တယ်။ အရင်တုန်းက နိုင်ငံရေးလောကမှာ ဆရာမွေးတယ်၊ တပည့်မွေးတယ်ဆိုတာ မွေးမြူရေး လောကမှာ တကယ်အကျိုးဖြစ်တယ်လို့ နာမည်ကြားဘူးတယ်။ အဲဒီတော့ အဲဒီကလေကချေတွေက သူ့ကို မြှောက်စားပြီး ဆရာမွေးလိုက်တယ်။ သူကတော့ အဟုတ်ကြီးမှတ်တာပေါ့။


ရွေးကောင်းပွဲမတိုင်ခင်မှာ နိုင်ငံရေးပါတီတွေရဲ့ မြှောက်ထိုးပင့်ကော်စကားလုံးတွေကြောင့် သူ့ကိုယ်သူ အထင်ကြီးလာတယ်။ ဒီနိုင်ငံကြီးကို သူဘဲ မကယ်တင်ရင် ရေစုန်မျောတော့မယ့် ပုံစံမျိုးတွေးထင်လာပုံရတယ်။ အဲဒါ တကယ့် အခြေအနေ မဟုတ်ဘဲ နိုင်ငံရေးသမားတွေရဲ့ မွေးမြူရေး လုပ်ငန်းတစ်ခုဆိုတာ သူမသိခဲ့ရှာဘူး။


အဲဒီလို ရူးကြောင်ကြောင် အကွက်တွေကို ပညာတတ်တစ်ယောက်က လုပ်ဆောင်ရဲတာ ဘာကြောင့်လဲဆိုတဲ့ အဖြေတစ်ခု အခုတစ်လောမှာ ရရှိခဲ့တယ်။ အဲဒါကတော့ ဝဇိပိတ်ဆရာတော်ဆိုတဲ့ ပုဂ္ဂိုလ်ကြီးတစ်ယောက်အကြောင်းကို ကြားသိလာရတာကနေ စတင်ပါတယ်။ ဒီပုဂ္ဂိုလ်ကြီးရဲ့ အချိန်အခါပေးမှုက ၁.၂.၂၁ (တစ်စ တစ်ပိတ်) ဆိုတဲ့ ဂဏန်းတည်ဆောက်ပုံနဲ့ အခါတော်ပေးဖြစ်နေတယ်။ အဲဒီ ဂဏန်း လေးလုံးပေါင်းက (၆)ဖြစ်နေတော့ အဲဒီနေ့ မနက် (၆) နာရီမှာ နိုင်ငံတော် အကြီးအကဲကြီးတွေကို ထိန်းသိမ်းတဲ့အလုပ်ကို ပြီးအောင် လုပ်လိုက်တယ်။ အဲဒီလို ခိုးကြောင်ခိုးဝှက်လုပ်လိုက်တာကို ဧရာမ မဟာတာဝန်ကြီးတစ်ခုကို လုပ်ဆောင်ရသလို ကိုယ့်ကိုကိုယ် ခံစားနေတော့တယ်။ 


နောက်မှာတော့ အုံကြွမှုတွေ ဖြစ်လာတဲ့အခါ အဲဒီ ဝဇိပိတ်ဆရာတော်ကြီးက "မ" နဲ့စတဲ့ မြို့တွေကို နိုင်အောင် နိုမ်နင်းခိုင်းသတဲ့။ သဘောက "မ" ဆိုတဲ့ မိန်းမရဲ့ လွှမ်းမိုးခြင်းကိုဖြိုဖျက်တဲ့သဘောပေါ့။ အဲဒီ အရူးရဲ့ အကြံပေးမှုက ရန်ကုန်မှာ အေးအေးဆေးဆေး ဆန္ဒပြနေရတဲ့အချိန် မြစ်ကြီးနားတို့၊ မကွေးတို့ မော်လမြိုင်တို့ စတဲ့ မြို့တွေမှာ သွေးစွန်းခဲ့ရတယ်။ နောက်တော့ မန်းတစ်လေးတို့ မြောင်းမြတို့ စသည်ဖြင့် မြို့ကြီးတွေမှာ အရူးရဲ့ ဟောပြောမှုကို အဟုတ်ကြီးထင် အကောင်အထည်ဖော်ခဲ့ကြတယ်။ နောက်မှာတော့ ရန်ကုန် မြောက်ဥက္ကလာ၊ မြေနီကုန်းတို့အထိ ကျယ်ပြန်လာတယ်။ မရမ်းကုန်းတို့ မြောက်ဒဂုံတို့၊ မင်္ဂလာဒုံ စတဲ့ မြို့တွေမှာလည်း မျက်ခုံးက ခပ်လှုပ်လှုပ်ဘဲ။ မကြာခင် မင်းတပ်တို့ မူဆယ်တို့လည်း ပါလာတော့မယ်ထင်တယ်။ ဂရုစိုက်ကြပါဗျို့။


နောက်ထပ် အရူးရဲ့စကားက "ခေတ်ကို ပြောင်းဘို့ ခေါင်းကိုပစ်" ဆိုတဲ့ အတိတ်ပေးစကား တစ်ခွန်းကို စဉ်းစားကြည့်ပါဦး။ ဘယ်ဘာသာမဆို တကယ့် သာသနာပြုပုဂ္ဂိုလ်၊တစ်ဦးက အဲဒီလို ပြောမလားဗျာ။  အရူးရဲ့ နောက်လိုက်တွေကလည်း ဒီအရူးပြောတဲ့အတိုင်း လုပ်တယ်ဗျာ။ စဉ်းစားကြည့်ကြပါဦး။ ပညာတတ်တစ်ယောက်က အဲဒီလို ရူးနေတာ ဘယ်လိုလုပ် ဒီနိုင်ငံကြီးကို ဦးဆောင်နိုင်မှာလဲ။ 


Gan Z တွေရဲ့ အကွက်ထဲမှာလည်း ဒီသေနာချုပ်ကြီးက လည်နေတယ်။ ဟိုက မြေကြီးပေါ်မှာ အောင်မြေဆိုပြီး သူ့ပုံတွေ ကပ်ထားတာကို လိုက်ခွာနေတယ်။ နိုင်ငံကို ပုန်ကန်တယ်ဆိုတဲ့ ဆန္ဒပြသူတွေကို နှိမ်နင်းဘို့ထက် မြေကြီးက သူ့ပုံတွေကို ခွာဘို့ အရေးကြီးနေတယ်။ အဲဒီပုံကို တစ်ပုံခြင်းစီ လိုက်ခွာနေလေရဲ့။


ထမိန်တွေရဲ့အောက်မှာ ရောက်နေတဲ့ သူ့ပုံတွေကို ကြည့်ပြီး ရင်နာကောင်း ရင်နာနေပါလိမ့်မယ်။ ဘာဘဲဖြစ်ဖြစ် ဒီသေနာချုပ်ကို အရူးကွက်တွေနဲ့ဘဲ ဆက်လက် တိုက်ခိုက်ကြပါစို့လို့ တိုက်တွန်းရင်း . . . .



ဘိုးတော်ကြီး

No comments:

Post a Comment

ဒီး​​မော့ဆိုတွင် အကြမ်းဖက်စစ်​ကောင်စီ ဂိတ်စခန်းကို PDF မီးရှို့

21.5.2021 ဒီး​​မော့ဆိုတွင် အကြမ်းဖက်စစ်​ကောင်စီ ဂိတ်စခန်းကို PDF မီးရှို့ ကရင်နီပြည် ဒီးမော့ဆိုမြို့ရှိ ထူလွီးဘီလာဂိတ်ကို ယနေ့ညနေ ၅ နာရီ ၅၀ ...