အောင်မြေသာစံမှာ ရဲတစ်ဦး မီးရှို့သတ်ခံရတယ်ဆိုပြီး ရပ်ကွက်ကို ပစ်ခတ်နေ
~~~~~~
■ မတ်လ ၂၉ ရက်နေ့ မနေ့က မန္တလေးမြို့ အောင်မြေသာစံမြို့နယ် မင်းတဲအီကင်းရပ်ကွက်ထဲ ရဲအရာရှိတစ်ယောက်ဟာ အရပ်ဝတ်နဲ့ သွားလာနေစဉ် အဲဒီရပ်ကွက်မှာပဲ ပျောက်ဆုံးသွားပြီး မီးရှို့သတ်ခံလိုက်ရတယ်ဆိုတဲ့ သတင်းတွေ ထွက်ပေါ်လာတဲ့နောက် စစ်တပ်နဲ့ ရဲတပ်ဖွဲ့ဝင်တွေဟာ ရပ်ကွက်အတွင်း ဝင်ရောက်၊ ပစ်ခတ် ဖမ်းဆီးတာတွေ ပြုလုပ်နေပါတယ်။
ရဲအရာရှိက အမှန်တကယ် သတ်ခံရသလားဆိုတာတော့ အခုအချိန်ထိ အတည်ပြုလို့ မရသေးပါဘူး။
အီးကင်းရပ်ကွက် ဒေသခံတစ်ယောက်ကတော့ ရပ်ကွက်ထဲ နေ့ရော၊ ညရော ပစ်နေပြီး ဖမ်းဆီးနေလို့ အမျိုးသားတွေ ရှောင်နေကြရတယ်လို့ ပြောပါတယ်။
၂၇ ရက်နေ့ညက အဆိုပါရပ်ကွက်မှာ အသက် ၄၂ နှစ်အရွယ် အမျိုးသား ကိုအေးကိုဟာ ညကင်းစောင့် နေစဉ် စစ်တပ်နဲ့ ရဲတပ်ဖွဲ့က ရောက်လာပြီး ပစ်သတ်မီးရှို့ခဲ့ကြပါတယ်။
အတည်မပြုနိုင်သေးတဲ့ သတင်းတွေအရတော့ ရဲတပ်ဖွဲ့ဟာ အီကင်းရပ်ကွက်က အမျိုးသားတွေ ရှောင်ပြေးသွားတဲ့ ရွာအထိ လိုက်လံဖမ်းဆီးနေတယ်လို့ ဆိုပါတယ်။
- Unicode
No comments:
Post a Comment