3.4.2021
အကြမ်းဖက်စစ်ကောင်စီက သေနတ်ဖြင့်ပစ်ခတ်မှုကြောင့် ပြည်သူ ၃ ဦးသေဆုံး
———————————-
မုံရွာမြို့မှာ ဧပြီလ ၃ ရက်နေ့ နံနက်ပိုင်း အချိန်ကတည်းကအကြမ်းဖက်စစ်ကောင်စီက စတင်ပစ်ခတ်မှုကြောင့် လူ ၃ ဦးသေဆုံးခဲ့ပါတယ်။
ဒဏ်ရာရှိသူ ၅ ဦးထက်မနည်းရှိပြီး သေနတ်ကျည်မှန်ပြီး သေဆုံးသူတွေဟာ ဦးခေါင်း၊ လည်ပင်း စတဲ့နေရာတွေကို ထိမှန်သေဆုံးခဲ့တာ ဖြစ်ပါတယ်။
ရန်ကင်း၊ နန္ဒာဝန်၊စက်မှုဇုံ၊မြဝတီ ရပ်ကွက်တွေအတွင်း ဝင်ရောက်ပစ်ခတ်ခဲ့တာဖြစ်ပါတယ်။
လမ်းတွေမှာ အာဏာသိမ်းစစ်ကောင်စီက လုံခြုံရေးစစ်သားတွေချထားတဲ့အတွက် Medical Cover ပေးနေတဲ့ အဖွဲ့တွေအနေနဲ့ လူနာတွေကို ကယ်ဆယ်ဖို့ ခက်ခဲ့ခဲ့ပါတယ်။
ရပ်ကွက်အတွင်း ဝင်ရောက်ဖမ်းဆီးတာတွေလုပ်ဆောင်ခဲ့ပြီးနောက်ပိုင်း အခုလိုပစ်ခတ်မှုတွေ ဖြစ်ပွားခဲ့တာဖြစ်ပါတယ်။
အဲ့တာတွေအပြင် ဒီကနေ့ဟာ မုံရွာမြို့မှာ မတ်လ ၃ ရက်နေ့က ကျဆုံးခဲ့ အာဇာနည် ၉ ဦး သေဆုံးတာ တစ်လပြည့်တဲ့နေလဲ ဖြစ်ပါတယ်။
(ပြင်ဆင်ချက်။ ။ အတည်ပြုနိုင်သော သေဆုံးသူ ဦးရေမှာ သုံးဦးသာဖြစ်ပါသည်။)
No comments:
Post a Comment