16.4.2021
ကနီမြို့နယ် ယာကြီးရွာမှာ မနေ့ညက ဖြစ်ခဲ့တဲ့ တော်လှန်တိုက်ပွဲမှာ ဖက်ဆစ်စစ်သားတချို့ကို ရွာလူထုက ဖမ်းမိခဲ့တယ်ဆိုပါတယ်။ ဖမ်းထားသူတွေပြန်လွှတ်ပေးဖို့စစ်တပ်က တောင်းဆိုရာကနေ ဒီကနေ့ ထပ်ပြီး ပစ်ခတ်မှုတွေဖြစ်နေတာလို့ ဒေသခံတွေကပြောပါတယ်။ ဒေသခံအပြောအရဆိုရင် မနေ့က
မုံရွာလူထုသပိတ်ခေါင်းဆောင် ကိုဝေမိုးနိုင်ကို ဝင်တိုက်ဖမ်းခဲ့တဲ့ကားကို ယာကြီးရွာသားတွေက ဖမ်းမိရာက တင်းမာမှုတွေစခဲ့တယ်ဆိုပါတယ်။ မနေ့နေ့လယ်က ကိုဝေမိုးနိုင်ကို ဝင်တိုက်ဖမ်းခဲ့တဲ့ကားကို မုံရွာ ကလေးဝ လမ်းပေါ်ရှိ ယာကြီးရွာမှာ ဒေသခံတွေက တားဆီးဖမ်းမိခဲ့တယ်ပြောပါတယ်။ ကားနဲ့အတူ ကားပေါ်မှာပါလာတဲ့ ကလေးဝနယ်မြေခံ စရဖ စစ်ဗိုလ်နဲ့ သူ့မိန်းမကိုပါ ဒေသခံတွေက ဖမ်းထားပြီး ကိုဝေမိုးနိုင်ကို ပြန်လွှတ်ပေးဖို့ တောင်းဆိုတယ်ဆိုပါတယ်။ ဖမ်းမိထားတဲ့ စရဖလင်မယားကို ပြန်လွှတ်ပေးဖို့စစ်တပ်က လာတောင်းရာကနေ အပြန်အလှန်ပစ်ခတ်တာတွေစခဲ့တာလို့ ပြောကြပါတယ်။ လောလောဆယ် လက်နက်လူအပြည့်အစုံပါတဲ့စစ်ကားတစီးကို ဒေသခံတွေကဖမ်းဆီးမိထားကြောင်းလည်း ဒေသခံတချို့ကပြောပါတယ်။
အင်တာနက် ဖုန်းအခက်အခဲတွေအရ BNN အနေနဲ့ အသေးစိတ်အတည်ပြုချက်ရဖို့ ကျိုးစားနေဆဲဖြစ်ပါသည်။
No comments:
Post a Comment