12.4.2021
ရန်ကုန်မြို့၊ ကြည့်မြင်တိုင်မြို့နယ်ထဲက ပန်းပင်ကြီးလမ်းပေါ်မှာ ရပ်ထားတဲ့ YBS ဘတ်စ် ကား ၄ စီးနဲ့ နောက်ထပ် ၁ စင်းရဲ့ကားကိုယ်ထည် တစ်ခြမ်းမီးလောင်မှု ဒီနေ့ ဧပြီလ ၁၂ ရက် မနက်ပိုင်းက ဖြစ်ခဲ့ပါတယ်။
အဲဒီကားတွေဟာ မြို့တွင်းပြေးဆွဲတဲ့ YBS ယာဉ်လိုင်း ၈၉ ကဖြစ်ပြီး ပန်းပင်ကြီးလမ်းကနေ သာကေတကို ပြေးဆွဲတဲ့ကားတွေ ဖြစ်ပါတယ်။
ဒီနေ့မနက် ၄ နာရီခွဲလောက်က ကားတွေ မီးစလောင်တာဖြစ်ပြီး မီးသတ်ကားတစ်စင်းတော့ မီးလာငြိမ်းတာတွေ့တယ်လို့ အနီးနားမှာနေထိုင်သူတွေကပြောပါတယ်။
ကားတွေ မီးလောင်မှုဖြစ်တဲ့နေရာဟာ လူနေ မထူထပ်တဲ့လမ်းအထက်ပိုင်းလည်းဖြစ်ပါတယ်။
ကားတွေ ဂိတ်ထိုးထားတဲ့လမ်းတစ်ဖက်မှာ စလင်းဘောလုံးကွင်းရှိပြီး တစ်ဖက်မှာတော့ ကြည့်မြင်တိုင်မျက်မမြင်ကျောင်းဝန်းရှိနေပါတယ်။
အဲဒီကျောင်းဝင်းထဲမှာ စစ်ကောင်စီတပ်တွေ နေရာယူထားတာ သီတင်း ၂ ပတ်လောက်ရှိနေပြီဆိုပြီး အနီးနားမှာနေထိုင်သူတွေက ပြောပါတယ်။
No comments:
Post a Comment